Nigmatov Komron Inoyatullayevich
Shu’ba mudiri
K.Nigmatov xalqaro huquq, jinoyat va jinoyat-protsessual huquqi, inson huquqlari bo‘yicha xalqaro huquq, huquqiy siyosat masalalariga bag‘ishlangan 20 dan ortiq ilmiy nashrlar muallifidir.
2022-yildan Jahon iqtisodiyoti va diplomatiya universitetida mustaqil izlanuvchi (PhD) hisoblanadi (dissertatsiya mavzusi: “Xalqaro huquqda inson huquqlarini buzganlik uchun TMKlarning javobgarligi masalalari”). Uning dissertatsiyasi natijalari O‘zbekiston Respublikasi Vazirlar Mahkamasining qator qarorlarida o‘z aksini topgan.
Mirzayev Shuxrat Mashrabovich
Bosh ilmiy xodim
20 dan ortiq ilmiy nashrlar muallifi, jumladan, jinoyat huquqi, kriminologiya va penitentsiar huquq masalalariga bag‘ishlangan.
2016-yildan Toshkent davlat yuridik universitetida mustaqil nomzod (PhD) (“Davlat hokimiyati va boshqaruvi organlari tomonidan huquqni muhofaza qilish organlari faoliyatini muvofiqlashtirishning tashkiliy-huquqiy asoslari” dissertatsiyasi mavzusi).
Bitiruv malakaviy ishi natijalari O‘zbekiston Respublikasi Qonunlari va O‘zbekiston Respublikasi Ichki ishlar vazirligining buyruqlarida o‘z aksini topgan.
Narbutayev Erkin Xalbayevich
Bosh ilmiy xodim
Yuridik fanlar doktori, professor.
1983 yilda “Jamoat tartibiga qarshi jinoyatlarni kvalifikasiya qilish” mavzusida nomzodlik dissertasiyasini himoya qilgan; 1991 yilda “Jinoyatchilikka qarshi kurash bo’yicha huquqiy chora-tadbirlarning samaradorligi muammolari: qonun va amaliyot” mavzusida doktorlik dissertasiyasini himoya qilgan.
1994 yilda unga siyosatshunoslik, iqtisod va huquq sohasida professor ilmiy unvoni berilgan.
75 dan ortiq ilmiy maqolalar, 12 ta monografiya va darsliklar chop etgan, O’zbekiston Respublikasi Konstitusiyasi va Jinoyat kodeksi moddalariga sharhlar muallifi hisoblanadi.
Mutaxassisligi – jinoyat huquqi, prosess va jazoni ijro etish huquqi, kriminologiya.
Ilmiy qiziqish doirasi jinoyat va jinoyat-prosessual qonunchiligini isloh qilish va Jinoyat va Jinoyat-prosessual kodekslari loyihalarini tubdan yangi asosda asoslash va ishlab chiqishdir. Jinoyat huquqi etnografiyasiga oid yangi ilmiy yo’nalishni ishlab chiqish tashabbuskori (shu mavzuga oid 1995 yilda monografiyasi nashr etilgan).
Xodjayev Shoxrux Muzaffarovich
Yetakchi ilmiy xodim
Huquqiy siyosatning turli masalalari bo‘yicha 20 dan ortiq axborot-tahliliy hujjatlar tayyorlagan.
Jinoyat huquqi, kriminologiya, korrupsiyaga qarshi kurashish, terrorizm va diniy ekstremizmga oid 10 dan ortiq ilmiy nashrlar muallifi.
2023-yildan buyon O‘zbekiston Respublikasi IIV Akademiyasi mustaqil nomzodi (PhD) hisoblanadi. Uning ilmiy izlanishlari natijalari ayrim qonun loyihalarida o‘z aksini topgan.
Zokirov Sherzod Ilxom o‘g‘li
Yetakchi ilmiy xodim
Yuridik fanlar boʻyicha falsafa doktori (PhD) ilmiy darajasiga ega.
Bugungi kunda Sh.Zokirov tomonidan 40 dan ortiq ilmiy maqolalar chop etilgan. Sh.Zokirov 2022-yilda yuridik fanlar boʻyicha falsafa doktori (PhD) ilmiy darajasini olish uchun “Prokuratura organlarida murojaatlar bilan ishlash institutini takomillashtirish masalalari” mavzusida yozilgan dissertatsiyasini muvaffaqiyatli himoya qilgan.
Uning dissertatsiya natijalari boʻyicha keltirgan takliflari “Prokuratura toʻgʻrisida”gi, “Jismoniy va yuridik shaxslarning murojaatlari toʻgʻrisida”gi Qonunlarda, Oʻzbekiston Respublikasi Bosh prokurorining sohaviy buyruqlarida oʻz aksini topgan hamda prokuratura organlarining huquqni qoʻllash amaliyotiga joriy etilgan.
Shu’baning asosiy vazifalari va faoliyati quyidagilardan iborat:
Oʻzbekiston Respublikasi Prezidentining sud-huquq sohadagi huquqiy siyosatini shakllantirish va amalga oshirish borasidagi faoliyatini ilmiy, axborot-tahliliy jihatdan taʼminlash;
sud-huquq sohada olib borilayotgan islohotlarni huquqiy jihatdan taʼminlashni prognozlash va ustuvor yoʻnalishlarini ishlab chiqishga qaratilgan fundamental va amaliy tadqiqotlarni tashkil qilish va oʻtkazish;
Oʻzbekiston Respublikasi Prezidenti Administratsiyasiga kelishish uchun kiritiladigan sud-huquq sohadagi qonun hujjatlari loyihalarini huquqiy ekspertiza qilish va ular boʻyicha xulosalar tayyorlash;
huquqni qo‘llash amaliyoti, O‘zbekiston Respublikasi Prezidenti qarorlari, boshqa normativ-huquqiy hujjatlarni ijro etish samaradorligi ustidan tizimli siyosiy-huquqiy monitoring yuritish; normativ-huquqiy hujjatlarning sud-huquq sohadagi islohotlar jarayoniga ta’sirini kuchaytirish yuzasidan takliflar ishlab chiqish.