Шу йил 14 майда ҚҲСИда Ўзбекистон Республикаси Олий таълим, фан ва инновациялар вазирлиги ҳузуридаги Олий аттестация комиссияси раиси, профессор А.Юсупов иштирокида назарий семинар ташкил этилди.
Тадбирда ҚҲСИ илмий ходимлари, докторантлари ва мустақил изланувчилар иштирок этди.
Семинар илмий-тадқиқот фаолиятини ривожлантириш, олий малакали илмий кадрлар тайёрлаш механизмларини такомиллаштириш ва давлат илмий аттестацияси тизимини модернизация қилишнинг долзарб масалаларига бағишланди.
Тадбир давомида профессор А.Юсупов илмий тадқиқотлар сифатини таъминлашда замонавий илмий аттестация тизимининг ўрни, диссертация ишларига қўйиладиган асосий талаблар, шунингдек, амалга оширилаётган институционал ислоҳотлар шароитида мамлакатимиз илм-фанини ривожлантиришнинг устувор йўналишларига батафсил тўхталиб ўтди.
Асосий эътибор илмий-тадқиқот фаолияти самарадорлигини ошириш, маҳаллий олимларнинг нашр этиш фаоллигини ривожлантириш, илмий ва таълим ташкилотлари ўртасидаги ҳамкорликни кенгайтириш, юқори малакали илмий ва илмий-педагогик кадрлар тайёрлаш тизимини такомиллаштириш масалаларига қаратилди.
Семинар якунида иштирокчилар аттестация жараёнлари, илмий нашрлар ва илмий кенгашлар фаолияти билан боғлиқ саволларига батафсил жавоблар олишди.