Шу йил 25 августда ҚҲСИда Япониянинг Кобе университети Ижтимоий тизимлар инновациялари маркази вакиллари билан учрашув бўлиб ўтди.
Мулоқот давомида томонлар ўзаро ҳамкорликни ривожлантиришнинг истиқболли йўналишларини атрофлича муҳокама қилдилар.
Самимий ва конструктив руҳда ўтган тадбир якунида икки муассаса ўртасида ҳамкорлик меморандуми имзоланди.
Учрашувдан сўнг япон экспертлари иштирокида интеллектуал мулк ҳуқуқи ва Жаҳон савдо ташкилотига (ЖСТ) аъзо бўлишнинг ҳуқуқий жиҳатларига бағишланган халқаро илмий-амалий семинар ҳам ташкил этилди.
Тадбирда генератив сунъий интеллект даврида интеллектуал мулк тизимини ривожлантириш, муаллифлик ҳуқуқини ҳимоя қилиш ва инновациялар ўртасидаги мувозанатни таъминлаш, ЖСТга аъзо бўлишнинг ҳуқуқий жиҳатлари каби долзарб масалалар чуқур таҳлил қилинди.
Ўзаро тажриба алмашинув асосида кечган мазкур семинар қизғин муҳокамаларга бой бўлди ва ғоят самарали ўтди.