Шу йил 17 июлда ҚҲСИда мазкур лойиҳани ишлаб чиқувчиси ҳисобланган Адлия вaзирлиги ҳузуридaги Қонунчиликни тaҳлил қилиш вa тaртибгa солиш тaъсирини бaҳолaш институти экспертлари иштирокида “Транспорт тўғрисида”ги Қонун лойиҳасининг муҳокамаси бўлиб ўтди.
Тадбирда лойиҳанинг амал қилиш доираси, давлат органлари ваколатларини тақсимлаш, ортиқча маъмурий юкнинг олдини олиш, истеъмолчилар манфаатларини ҳимоя қилиш ҳамда транспорт хавфсизлигини таъминлаш масалалари кўриб чиқилди.
Шунингдек, Фуқаролик кодексига киритилиши кутилаётган ўзгартиришлар таҳлил қилиниб, фуқаролик ва маъмурий ҳуқуқий муносабатлар чегараларини аниқ белгилаш, зарарни қоплаш ва жавобгарлик мезонларини изчил қўллаш юзасидан фикр алмашилди.
Якунда билдирилган илмий-амалий таклифлар қонун лойиҳасининг тўғридан-тўғри ишлаш механизмларини мустаҳкамлашга ва транспорт соҳасидаги ислоҳотларнинг пухта ҳуқуқий пойдеворини яратишга хизмат қилиши таъкидланиб, лойиҳа ишлаб чиқувчилари ва институт экспертлари ўртасидаги ҳамкорликни изчил давом эттиришга келишиб олинди.
